2015 jylǵy 2 jeltoqsan, Astana qalasy
Bógetterdiń qaýipsizdigi salasyndaǵy jumystardy júrgizý quqyǵyna attestattalatyn uıymdarǵa qoıylatyn talaptardy bekitý týraly
2003 jylǵy 9 shildedegi Qazaqstan Respýblıkasy Sý kodeksiniń 37-baby 1-tarmaǵynyń 28-1) tarmaqshasyna sáıkes buıyramyn:
1. Bógetterdiń qaýipsizdigi salasyndaǵy jumystardy júrgizý quqyǵyna attestattalatyn uıymdarǵa qoıylatyn talaptar bekitilsin.
2. Qazaqstan Respýblıkasy Aýyl sharýashylyǵy mınıstrliginiń Sý resýrstary komıteti zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesiniń merzimdi baspa basylymdaryna jáne «Ádilet» aqparattyq-quqyqtyq júıesine resmı jarııalaýǵa jiberilýin;
3) osy buıryqtyń Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrylýyn qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasy Aýyl sharýashylyǵy vıse-mınıstrine júktelsin.
4. Osy buıryq alǵashqy resmı jarııalanǵan kúninen keıin kúntizbelik jıyrma bir kún ótken soń, biraq 2016 jylǵy 1 qańtardan keıin qoldanysqa engiziledi.
Qazaqstan Respýblıkasynyń
Aýyl sharýashylyǵy mınıstri A.MAMYTBEKOV.
«KELISILGEN» «KELISILGEN»
Qazaqstan Respýblıkasynyń Qazaqstan Respýblıkasynyń
Ulttyq ekonomıka mınıstri Ishki ister mınıstri
___________ E.DOSAEV ___________ Q.QASYMOV
2015 jylǵy 25 jeltoqsan 2015 jylǵy 8 jeltoqsan
Qazaqstan Respýblıkasy Aýyl sharýashylyǵy mınıstriniń
2015 jylǵy 02 jeltoqsandaǵy № 19-2/1053 buıryǵymen bekitilgen
Bógetterdiń qaýipsizdigi salasyndaǵy jumystardy júrgizý quqyǵyna
attestattalatyn uıymdarǵa qoıylatyn talaptar
1. Paıdalanýǵa berilgen keminde I klasty eki bóget, (nemese) II klasty bes bóget, (nemese) III klasty on bóget qurylysynyń jobalaryn ázirleý tájirıbesiniń, sondaı-aq, gıdrotehnıkalyq qurylystardy jobalaý, salý, jóndeý jáne rekonstrýksııalaý, paıdalanýda jumys tájirıbesiniń bolýy.
2. Shtatta tehnıkalyq ǵylymdar (gıdrotehnıkalyq qurylystardy salý jáne paıdalaný, gıdrogeologııa, geodezııa, geologııa, gıdrologııa, gıdromelıorasııa), aýyl sharýashylyǵy ǵylymdary (sý resýrstary jáne sýdy paıdalaný), jaratylystaný ǵylymdary (gıdrologııa) salasynda joǵary kásiptik bilimi bar mamandardyń, sondaı-aq gıdrotehnıkalyq qurylystardy jobalaý, salý, jóndeý jáne rekonstrýksııalaý, paıdalanýda attestattary, sertıfıkattary, jumys tájirıbesi bar, eńbek ótili 3 jyldan kem emes salaaralyq mamandardyń bolýy.
3. Bógetterdi jobalaý, salý jáne paıdalaný salasyndaǵy normatıvtik-tehnıkalyq qujattamanyń (QR QNjE 3.04-01-2008 «Gıdrotehnıkalyq qurylystar. Jobalaýdyń negizgi erejeleri», QR QNjE 3.04-02-2008 «Topyraqty materıaldardan turatyn bógetter», QR QNjE 3.04-03-2008 «Betondy jáne temirbetondy bógetter»), sondaı-aq bógetterdiń qaýipsizdigi salasynda saraptama júrgizýdi reglamentteıtin basqa da qujattardyń bolýy.
Buıryq Qazaqstan Respýblıkasynyń Ádilet mınıstrliginde 2015 jylǵy 29 jeltoqsandaǵy Normatıvtik quqyqtyq kesimderdi memlekettik tirkeýdiń tizilimine №12635 bolyp engizildi.